Brent munaıynyń barreli 61 dollardan tómendedi
ASTANA. QazAqparat - Seısenbi kúni munaı baǵasynyń Qytaıdyń qaıta óńdeý ónerkásibindegi iskerlik belsendiliginiń báseńdeýi týraly málimetterden keıin tómendeýi odan ári jalǵasty, dep habarlaıdy Bloomberg agenttigi.
Londonnyń ICE Futures bırjasyndaǵy Brent munaıynyń fıýchersteri bir barrel úshin 44 tsentke deıin túsip, 60,62 dollar boldy.
WTI munaıy fıýchersiniń baǵasy qańtarda Nıý-Iorktegi taýar bırjasynda máskeý ýaqyty boıynsha saǵat 8-ge qaraı bir barrel úshin 27 tsentke deıin túsip, 55,64 dollardy qurady.
Dúısenbi kúngi saýda bes jyldyń ishinde eń tómengi baǵalarmen aıaqtaldy.
