Brent munaıynyń barreli 60 dollardan tómendedi
ASTANA. QazAqparat - Seısenbi kúni munaı baǵasynyń tómendeýi jalǵasty: Brent munaıynyń barreli 2009 jyldan beri alǵash ret 60 dollardan kem boldy, WTI baǵasy bir barrel úshin 55 dollardy qurady, dep habarlaıdy Bloomberg.
Londonnyń ICE Futures bırjasyndaǵy Brent munaıynyń qańtar aıyndaǵy fıýchersteri jergilikti ýaqyt boıynsha saǵat 10:45-te bir barrel úshin 1,18 (1,9%) dollardan - 59,88 dollarǵa deıin tómendegen.
WTI munaıy fıýchersiniń baǵasy qańtarda Nıý-Iorktegi taýar bırjasyndaǵy elektrondyq saýdada bir barrel úshin 1,06 (1,9%) dollarǵa deıin túsip, 54,85 dollardy qurady.
Dúısenbi kúngi saýda bes jyldyń ishinde eń tómengi baǵalarmen aıaqtaldy. Ceısenbi kúni tańerteń munaı baǵasynyń Qytaıdyń qaıta óńdeý ónerkásibindegi iskerlik belsendiliginiń báseńdeýi týraly málimetterden keıin tómendeýi odan ári jalǵasty.
