Brent munaıynyń baǵasy jyldyń maksımýmyn jańartyp, bir barreli úshin 62,61 dollardy qurady
ASTANA. QazAqparat - Brent markaly munaıdyń baǵasy Saýd Arabııasynyń «qara altynǵa» suranysty ósirý týraly málimdemelerinde 2015 jyldyń maksımýmyn jańartty, bul týraly saýda málimetteri kýálandyrady, dep habarlaıdy RIA Novostı.
Brent markaly munaıdyń soltústikteńizdik qospasynyń sáýir aıyndaǵy fıýchersteriniń baǵasy 0,7 paıyzǵa ósip, bir barrel úshin 62,05 dollardy qurady. Buǵan deıin saýda barysynda onyń baǵasy bir barreli úshin 62,61 dollarǵa jetip, bıylǵy jyldyń bir barreli úshin 62,5 dollardy quraǵan maksımýmynan asty.
WTI jeńil munaıynyń sáýir aıyndaǵy fıýchersteriniń quny 0,2 paıyzǵa - bir barreli úshin 50,61 dollarǵa tómendegen. Buǵan deıin Saýd Arabııasynyń munaı mınıstri Álı ál-Naımı (Ali al-Naimi) naryqtardyń qazirgi kezde tynysh ekenin, al munaıǵa suranystyń bara-bara ósip kele jatqanyn málim etken. Petromatrix taldaýshysy Olıve Jakob (Olivier Jakob) «Saýd Arabııasy úniniń ózgerýin» munaıǵa álemdik baǵalardyń ósýiniń negizgi sebepteriniń biri dep atady.
