Brent munaıynyń baǵasy jyldyq joǵary mejege jetti

ASTANA. QazAqparat - Bırjalyq saýda-sattyq barysynda Brent markaly munaıdyń barreli 67,08 dollarǵa jetip, 2015 jylǵy eń joǵary mejege taban tiredi. Buny londondyq ІSE bırjasynyń málimetteri aıǵaqtaıdy. Soltústikteńizdik marka 2014 jylǵy 10 jeltoqsanda - barreli 67,24 dollar bolyp, eń qymbat mejege jetken bolatyn, dep habarlady Lenta.ru.

Budan buryn munaıdyń qymbattaýy jaǵdaıynda rýbldiń bekı túskeni baıqalǵan edi. Dollar 51,65 rýbl, eýro - 57,94 rýbl boldy. 1-4 mamyr aralyǵynda Máskeý bırjasynda saýda-sattyq ótkizilgen joq. Ortalyq banktiń 1 mamyrǵa belgilegen amerıkandyq valıýtanyń resmı baǵamy (5 mamyrǵa deıin kúshinde bolady) 51,14 rýbldi, eýropalyq valıýta - 57,16 rýbldi quraıdy.

21 sáýirde «Lýkoıl» prezıdenti Vagıt Alekperov munaı baǵasy eń joǵary mejesine jetti, dep málimdedi.

18 sáýirde Reseı energetıka mınıstri Aleksandr Novak 2015 jyly munaı barreliniń ortasha quny 60 dollar bolyp, 2017 jylǵa deıin barreline 70 dollardan aspaıdy degen bolatyn.