Brent munaıynyń baǵasy ósimin jalǵastyrýda

ASTANA. QazAqparat -2015 jyldyń 9 qazanynan keıin búgin alǵash ret Brent munaıynyń baǵasy bir barreli úshin 54 dollardan asty.

ICE bırjasyndaǵy saýda kórsetkishteri osyny aıǵaqtaıdy, dep habarlaıdy QazAqparat.

Munaıdyń barreli 54 dollardan asqan soń da, baǵanyń ósimi jalǵasyp, Máskeý ýaqytymen saǵat 19:14-te 54,24 dollarǵa jetti. 1 jeltoqsan kúni Brent munaıynyń barreli $53 bolǵan edi.

Eske sala ketsek, OPEK-ke múshe memleketter 2008 jyldan beri alǵash ret munaı óndirisin táýligine 1,2 mıllıon barrelge deıin azaıtý týraly kelisimge kelgennen keıin, munaı baǵasy ekinshi kún qatarynan ósip keledi.

Karteldiń kezdesýi 30 qarasha kúni Venada ótti. OPEK músheleri men uıymǵa kirmeıtin memleketter munaı óndirisin táýligine 1,8 mıllıon barrelge deıin azaıtýdy kózdep otyr.

Munaı óndirisin shekteý týraly kelisim 2017 jyldyń qańtar aıynan bastap kúshine enedi. Jarty jylǵa eseptelgen kelisim naryq jaǵdaıyna baılanysty uzartylýy múmkin.