Brent munaıynyń baǵasy barreline $95 tústi
Bıylǵy naýryz aıynda atalǵan munaı markasynyń barreli 139 dollarǵa deıin kóterilgen edi. Ol joly Ýkraınadaǵy jaǵdaıǵa baılanysty Reseıge salynǵan sanktsııalar áserinen álemdik naryqtaǵy munaıǵa degen suranys tómendeıdi, dep kútilgen. Tıisinshe, shyǵyndardy óteý maqsatynda baǵa kóterildi.
Degenmen shıkizat bırjalaryndaǵy saýda-sattyq jabylar ýaqytqa qaraı Brent-tiń quny barreline 98 dollardan asty.
Al, Nıý-Iork taýar bırjasyndaǵy (NYMEX) tamyz aıyndaǵy saýda-sattyq nátıjesinde WTI munaı fıýchersteri 4,16 dollarǵa tómendep, bir barreli 93,14 dollardy qurady.
Munaı baǵasy maýsym aıynyń basynan bastap quldyrap jatyr. Oǵan Federaldy rezervtik júıeniń (FRJ) aqsha-nesıe saıasatyn tez arada qatańdatýy sebep bolyp otyr. ıAǵnı, bul protsess AQSh ekonomıkasynyń baıaýlaýyna, sáıkesinshe iri munaı tutynatyn el tarapynan suranystyń azaıýyna ákeledi.
Munaı naryǵyna teris áser etetip otyrǵan faktordyń biri - dollardyń nyǵaıýy. Beısenbide eýro baǵamy 20 jylda alǵash ret dollardan arzan tústi.
«Goldman Sachs» sarapshylary qazirgi tańda munaı naryǵyndaǵy suranystyń az ekenin jáne onyń áli de osy mólsherde saqtalatynyn málimdedi. Al, baǵanyń tómendeýi - qara altynnyń ótimdiliginiń azdyǵy men tehnıkalyq faktorlarǵa baılanysty.
Sonymen qatar Azeri Light (CİF) markaly Ázerbaıjan munaıynyń baǵasy álemdik naryqta 2,2 dollarǵa tómendep, 111,98 dollar boldy.
Ázerbaıjannyń Memlekettik bıýdjetinde bıyl munaı baǵasy 85 dollar deńgeıinde saqtalady dep belgilendi. Azeri Light munaıy 2020 jylǵy 21 sáýirde eń tómengi baǵamen satyldy. Ol joly qara altyn barreline 15,81 dollardan saýdalandy. Al, eń joǵary baǵa 2008 jyly shildede tirkeldi. Onda Ázerbaıjan munaıynyń bir barreli 149,66 dollar turdy.
