Brent munaıynyń baǵasy barreline 55 dollardan asty
ASTANA. QazAqparat - Dúısenbi kúni munaıdyń álemdik baǵalary ótken beısenbidegi tómendeýinen keıin túzelip, oń serpinin kórsetýde. Bul týraly saýda málimetteri dálel, dep habarlaıdy RIA Novostı.
Jergilikti ýaqyt boıynsha saǵat 7:18-degi jaǵdaıǵa kelsek, Brent markaly munaıdyń soltústikteńizdik qospasynyń mamyr aıyndaǵy fıýchersteriniń baǵasy 1,36 paıyzǵa ósip, bir barreli 55,71 dollardy qurady. WTI markaly munaıdyń mamyr aıyndaǵy fıýchersteriniń baǵasy 2,04 paıyzǵa ósip, bir barreli 50,14 dollar boldy. Naryqtar juma kúni katolıktik Pasha merekesiniń aldynda jabylyp, munaı baǵalary tómendeýden keıin onsha kóterile almady.
Munaı baǵasy beısenbi kúni halyqaralyq araaǵaıyndar «altylyǵynyń» Iranmen kelisiminen keıin kúrt tómendedi. Taraptar ýrandy baıytý boıynsha ırandyq qýattardyń úshten eki bóliginiń on jyldyń ishinde toqtatylatynyna ýaǵdalasty. EO Iranǵa qarsy sanktsııalaryn ol qoljetkizilgen ýaǵdalastyqtardy oryndaǵan jaǵdaıda toqtatady. AQSh Iranǵa qarsy sanktsııalaryn mindettemelerdi oryndaýyna qaraı alyp tastaıdy.
Munaıǵa Saýd Arabııasynyń mamyr aıynda Azııaǵa jetkiziletin munaı baǵasyn kótergeni, «qara altynǵa» suranystyń jaqsarýy týraly habar da jaqsy qoldaý boldy.
