Brent munaıynyń baǵasy arzandady

NUR-SULTAN. QazAqparat - Brent munaıy barreliniń quny $38 dollardan da tómen quldyrap ketti. Bul ótken saýdadaǵy baǵadan 9,1% tómen, dep habarlaıdy QazAqparat TASS agenttigine silteme jasap.

Tamyz aıynda jetkiziletin Brent munaıy fıýchersteriniń Londondaǵy ICE bırjasyndaǵy baǵasy barreline $37,94 deıin túsip ketti. Bul munyń aldyndaǵy saýdadaǵy baǵadan 9,1% tómen.

Sonymen qatar WTI markaly munaıdyń quny da 10,3% arzandap, barreli 35,68 dollardan saýdalanyp jatyr.

Máskeý ýaqytymen saǵat 19:45-te Brent munaıynyń quny biraz ózgerip, $38,34 deıin jetti, ıaǵnı arzandaý kórsetkishi - 8,1%. Al WTI munaıynyń barreli - $36,24 boldy (-8,9%).