Brent munaıynyń baǵasy 70 dollardan asty

NUR-SULTAN. QazAqparat – Brent markaly munaıdyń barreliniń baǵasy 2020 jyldan beri alǵash ret 70 dollardan joǵary kóterildi, dep habarlaıdy QazAqparat.

Londondaǵy ICE bırjasynda Brent markaly munaıdyń mamyr aıyndaǵy fıýchersteriniń baǵasy 1,64 paıyzǵa ósip, barreline 70,5 dollarǵa jetti.

Sońǵy ret 70 dollar shamasynda Brent munaıy barreliniń baǵasy 2020 jyldyń qańtar aıynda ǵana bolǵan.

Saǵat 05:10-te Brent markaly munaıdyń mamyr aıyndaǵy fıýchersteriniń baǵasy 1,77 paıyzǵa ósip 70,59 dollarǵa jetti.

Al, WTI markaly munaı barreliniń mamyr aıyndaǵy fıýchersteri baǵasy búgingi saýda-sattyqta barreline 67,04 dollarǵa deıin kóterildi (+1,71%).