Brent munaıynyń baǵasy 34 dollardan tómendep ketti

ASTANA. QazAqparat - Qytaıda qor naryǵynyń quldyraýy saldarynan Brent munaıynyń barreliniń quny 34 dollardan tómendep ketti, dep habarlaıdy reseılik RBK agenttigi.

Qazir Brent munaıynyń quny barreline 33,21 dollarǵa deıin tústi.

Brent qunynyń kúrt tómendeýine Qytaı qor naryǵynyń quldyraýy sebep boldy. Bırjadaǵy saýda-sattyq bastalǵan kezde Shanghai Composite ındeksi 5 paıyzdaı tómendegen, sodan keıin saýda-sattyq 15 mınýtqa toqtatyldy. Alaıda, bırja jumysyn jańǵyrtqannan keıin de baǵanyń quldyraýy jalǵasa tústi. Bul kórsetkish 7,32 paıyzǵa jetkende bırjadaǵy saýda-sattyq qaıta toqtatyldy.

Brent markaly munaı baǵamynyń quldyraýy keshe barreline 36,64 dollardan bastalǵan, qazir, 8 paıyzǵa deıin arzandady.

Munaıdyń 34 dollardan tómen baǵasy sońǵy ret 2004 jylǵy sáýir aıynda tirkelgen.