Brent munaıynyń baǵasy - 34,3 dollar
ASTANA. QazAqparat - Naryq qatysýshylaryna yqpal eter ahýal bolmaǵasyn dúısenbi kúngi munaı baǵasy turaqtaldy, alaıda onyń aldaǵy quny jónindegi boljam jasaýshylar pikiri ekige jaryldy, dep habarlaıdy Bloomberg agenttigi.
Londondaǵy ICE Futures bırjasynda Brent munaıynyń sáýirdegi fıýchersteriniń baǵasy saǵat 11.00-ge qaraı 0,7 paıyzǵa - bir barrel úshin 34,29 dollarǵa deıin kóterildi.
Nıý-Iork saýda bırjasynda (NYMEX) WTI munaıynyń naýryzdaǵy fıýchersiniń baǵasy osy ýaqytqa qaraı 0,7 paıyzǵa - bir barrel úshin 31,11 dollarǵa deıin kóterilgen.
Sarapshylar munaı baǵasynyń qazirgi deńgeıin qısynsyz tómen dep esepteıdi.
