Brent munaıynyń baǵasy 2,88 dollarǵa qymbattady
ANA. 10 naýryz. QazAqparat - 9 naýryzdaǵy saýdanyń qorytyndysy boıynsha London bırjasynda Brent munaıynyń resmı baǵasy 2,88 dollarǵa qymbattap, 115,94 dollar/barreldi qurady, dep habarlaıdy RBK agenttigi.
Al Nıý-Iork bırjasynda Light Sweet munaıynyń resmı baǵasy kerisinshe, 0,64 dollarǵa arzandap, 104,35 dollar/barreldi shamalady.
9 naýryzda jarııalanǵan AQSh Energetıka mınıstrliginiń baıandamasyna súıensek, 26 aqpan men 4 naýryzdyń aralyǵyndaǵy aptada eldegi shıki munaıdyń kommertsııalyq qory 2,5 mıllıon barrelge ósip, barlyǵy 348,9 mıllıon barreldi quraǵan. Al strategııalyq munaı qory eseptik aptada ózgermegen, 276,5 mıllıon barrel shamasynda saqtalǵan.
Al munaı jetkizýshi negizgi elderdiń biri sanalatyn Lıvııada Mýammar Kaddafı armııasynyń avıatsııasy el astanasy - Trıpolıden 580 shaqyrym qashyqtyqta ornalasqan Es-Sıder qalasyndaǵy munaı qoımasyn bombylady. Sondaı-aq, Lıvııa ókimeti artıllerııasynyń munaı qoımasyna tartylǵan qubyrǵa da zeńbirek jaýdyrǵany týraly da aqparat bar. Taǵy bir málimetter boıynsha, elde úsh munaı qoımasy jermen-jeksen etilgen.
