Brent munaıy qymbattady

NUR-SULTAN. QazAqparat – Londonnyń ICE qurlyqaralyq bırjasyndaa 2022 jyldyń mamyr aıynda jetkiziletin Brent markaly munaı fıýchersteriniń baǵasy buǵan deıin 7%-dan astam quldyraǵannan keıin bir barrel úshin 100 dollardan joǵary saýdalandy.

Bul týraly saýda-sattyq derekterinen belgili boldy, dep habarlaıdy QazAqparat reseılik TASS aqparat agenttigine silteme jasap.

Máskeý ýaqytymen saǵat 04:10-daǵy jaǵdaı boıynsha, Brent fıýchersteri barreline $100,77 (+0,86%) deńgeıinde saýdalandy. Saǵat 04:17-de Brent markaly munaı ósimin jyldamdatyp, barreli100,9 dollardan (+0,99%) satyldy.

Seısenbide ICE bırjasynda Brent markaly munaıdyń 2022 jyldyń mamyr aıyna jetkiziletin fıýcherstik kelisimshartynyń baǵasy 7%-dan astam arzandap, barreli 99 dollardan tómen satylǵan.