Brent munaıynyń baǵasy byltyrǵy 5 jeltoqsannan beri alǵash ret 64 dollarǵa jetti

ASTANA. KAZINFORM — Londondaǵy ICE bırjasynda 2026 jyldyń naýryz aıyna deıin jetkizilýi tıis Brent munaıy fıýchersiniń baǵasy barreline 64 dollar deńgeıine jetti. Túrli saýda derekteri osyny kórsetip otyr.

Astana ýaqyty boıynsha keshe saǵat 05:52-de, munaı baǵasy 1,56% ósip, barrel úshin $64 bolǵan.

Saǵat 06:00-de Brent fıýchersi ósý qarqynyn báseńdetip, barrel úshin $63,92 deńgeıinde saýdalandy (+1,43%). Sol ýaqytta 2026 jyldyń aqpan aıyna jetkizilýge arnalǵan WTI munaıy fıýchersi 1,55% ósip, barrel úshin $59,69 boldy.

Eske sala ketsek, Tramp Venesýela AQSh-qa 30-dan 50 mln barrelge deıin munaı jetkizetinin málimdegen. 

Al Kaspıı qubyr konsortsıýmy munaı tasymalyn ýaqytsha toqtatty.