Brent munaıynyń baǵasy 14 tamyzdan beri alǵash ret 87 dollardan tómendedi
ASTANA. KAZINFORM – Brent markaly munaı fıýchersteriniń baǵasy 14 tamyzdan beri alǵash ret barreline 87 dollardan tómendedi. Bul týraly Londondaǵy ICE bırjasynyń saýda derekterinen belgili boldy, dep habarlaıdy TASS.
Máskeý ýaqytymen saǵat 22:51-de (Astana ýaqytymen 00:51) Brent munaıynyń baǵasy 4,67%-ǵa tómendep, barreline 87,87 dollar boldy. Saýda barysynda baǵa 88 dollardan tómen tústi.
Al Máskeý ýaqytymen saǵat 23:05-te (Astana ýaqytymen 01:05) Brent arzandaýyn jalǵastyryp, 14 tamyzdan beri alǵash ret barreline 87 dollardan tómendedi. Onyń baǵasy 5,73%-ǵa quldyrap, 86,89 dollardy qurady.
Sonymen qatar qyrkúıekte jetkiziletin WTI markaly munaı fıýchersteriniń baǵasy 4,95%-ǵa tómendep, barreline 80,8 dollar boldy.
Eske salaıyq, jýyrda Energetıka mınıstrligi bıylǵa munaı óndirý jospary 2 mln tonnaǵa qysqartylǵanyn málimdedi.
Sondaı-aq Qazaqstan munaı óńdeý kólemi men daıyn ónim eksportyn eki ese arttyrýdy josparlap otyrǵany habarlanǵan.
