Brent markili munaı barreliniń baǵasy 53 dollardan asty
ASTANA. QazAqparat - Brent markili munaıdyń bir barreliniń baǵasy 53 dollardan asty. WTI baǵasy kerisinshe arzandap barady, dep habarlady RBK.
Londondyq ICE Futures bırjasyndaǵy saýdada 30 qańtarda Brent markili munaıdyń bir barreliniń quny 53 dollardan asty. Naýryzdyq fıýchersterdiń eń joǵary baǵasy $53,06/barr. jetti. Máskeý ýaqytymen saǵat 22:48 jaǵdaı boıynsha naýryzda jetkiziletin Brent markili munaı baǵasy $52,17/barr. shamasynda boldy, bul keshegi kúngi kórsetkishten $3,04 qymbattyraq.
WTI quny Nıý-Iorktegi saýdada kerisinshe tómendeýde. Máskeý ýaqytymen saǵat 23:06 derekter boıynsha, WTI naýryzdaǵy fıýchersteriniń quny $47,49/barr. deıin tómendedi. Bul 29 qańtarda jabylǵan saýdadaǵy kórsetkishten $0,73 arzan.
Sarapshylar amerıkalyq munaıdyń arzandaýyn AQSh-taǵy burǵylaý qondyrǵylarynyń sanymen baılanysty dep otyr. 30 qańtarda Baker Hughes kompanııasy burǵylaý qondyrǵylarynyń sanyn 1,223 myńǵa deıin qysqartatyny týraly habarlaǵan. Bir aptanyń ishinde olardyń sany 94-ke kemigen.
