Brent markili munaı barreliniń baǵasy $40 asty

ASTANA. QazAqparat - «Qara altynnyń» baǵasy búgingi saýdada ósti.

14:17 msk jaǵdaı boıynsha Brent markili munaı mamyr fıýchersteri londondyq ICE Futures bırjasynda 1,87% qymbattap, bir barreliniń quny $40,39 qurady. WTI munaıynyń sáýir fıýchersteriniń baǵamyn belgileý Nıý-Iork taýarlyq bırjasynda (NYMEX) kórsetilgen ýaqytta 1,64% ósip, bir barreliniń quny $37,10 qurady, dep habarlady Rosbalt.

Seısenbi Brent - 2,9%, WTI - 3,7% arzandady.

Amerıkandyq munaı ınstıtýtynyń (API) aqparatynsha, elde munaıdyq taýarlyq qory ótken aptada 4,4 mln barrelge ulǵaıdy. AQSh Energııa mınıstrliginiń resmı derekteri sársenbi kúni Máskeý ýaqytymen saǵat 18:30-da jarııalanady. Bloomberg saýalyna qatysqan sarapshylar qordyń 3,5 mln barrelge deıin ulǵaıatynyn boljady.