Brent markaly munaıdyń bir barreliniń quny $55-dan tómendep ketti
ASTANA. QazAqparat - Brent markaly munaıdyń bir barreliniń quny 2009 jyldyń mamyryndaǵy rekordtyq tómen kórsetkishti jańǵyrtty.
Dúısenbi kúngi, 5 qańtardaǵy londondyq ICE bırjasyndaǵy saýdada bul markaly munaı baǵasy bir barreli úshin $54,88 deıin tómendep, odan keıin tipti quldyrady. Osylaısha, bul munaıdyń tómengi baǵasy bir barreli úshin $54,48 qurady, dep habarlady RBK.
Ótken aptada Brent markaly munaı rekordtyq mınımýmyn jańartqan. 2 qańtardaǵy saýda barysynda bul markaly munaı barreline $56 deıin arzandady. Aqpan aıynda jetkiziletin munaıdyń bir barreliniń mınımaldy baǵasy $55,50, al maksımaldy quny - $58,51 qurady. Juma kúngi saýda jabylǵanda munaıdyń bir barreliniń baǵasy $56,42 boldy. Búgin munaı taǵy arzandady. Munaıdyń arzandaýymen reseılik rýbl de qunsyzdanýda. Qazir bir dollardyń quny - 59,33 rýbl, eýro baǵasy - 70,81 rýbl.
