Brent markaly munaıdyń barreli baǵasy 60 dollardan tómendedi
ASTANA. QazAqparat - Londondaǵy ICE bırjasyndaǵy saýda-sattyqta Brent sortty munaıynyń sáýir aıyna fıýchersteriniń baǵasy - 4,55 paıyzǵa quldyrap, barreli 59,73 dollarǵa deıin tómendedi, dep habarlady TASS.
Brıtan astanasyndaǵy taýar naryǵyndaǵy saýda munaı baǵasynyń tómendeýimen aıaqtaldy. Sessııa qorytyndysynda londondyq qurlyqaralyq bırjada fıýcherstik mámilelerde Brent qospasyn jetkizý kelisimsharttarynda onyń baǵasy 2,56 dollarǵa arzandap, barreline 60,02 dollardy qurady.
Nıý-Iork taýar bırjasynda shıkizat barreliniń baǵasy óskeni baıqalady: tehastyń WTI ashyq tústi munaıynyń baǵasy 0,69 dollarǵa ósip, 50,00 dollar deńgeıinde satylýda.
Brent munaıynyń baǵasy amerıkandyq valıýtanyń nyǵaıa túsýi jaǵdaıynda quldyrap otyr. Negizgi alty valıýtaǵa dollar ındeksi búgin 11 jylǵy joǵarǵy mejege jetti, oǵan Qytaıdaǵy paıyzdyq mólsherlemelerdiń tómendeýi sebep body.
«Qara altyn» qunynyń tómendeýi Lıvııada óndirýdiń ósýine járdemdesýde. Osyǵan baılanysty PVM Oil Associates taldamashysy Tamas Varga shıkizat baǵasynyń odan ári tómendeıtinin boljap otyr, oǵan Irakta energııa jetkizý eksportynyń qarqyn ala túsýi sebep bolmaq.
