Brent markaly munaıdyń barreli 46,2 dollardan asty

ASTANA. QazAqparat - Brent markaly munaıdyń 2016 jylǵy qazanǵa jetkizý fıýchersteriniń quny Londondaǵy ІSE bırjasynda 4,9 paıyzǵa ósip, barreline 46,2 dollarǵa jetti. Buǵan saýda-sattyq málimetteri dálel. Brent munaıyn baǵalaý 22 shildeden beri alǵash ret barreline 46 dollar mejesinen asty, dep habarlady TASS.

Brent munaıynyń baǵasy halyqaralyq energetıka agenttiginiń (HEA) 2017 jyly munaıǵa álemdik suranys ósimi tómendeý boljamyna qaramastan, ósti. Atap aıtqanda HEA tamyz baıandamasyn jarııalady, onda 2017 jyly munaıǵa álemdik suranystyń ósý boljamy shildedegi boljammen salystyrǵanda táýligine 100 myń barrelmge deıin tómendeýi boljanǵan, bul táýligine 1,2 mln. barrel degen sóz. Agenttiktiń baǵalaýynsha, 2017 jyly suranys ósiminiń qarqyny 2016 jylǵa qaraǵanda táýligine 200 myń barrelden tómen etip kórsetilgen. 2017 jyly suranystyń ósý qarqyny táýligine 97,5 mln. barreldi quraıdy. Sonymen birge HEA-nyń atap ótýinshe, 2016 jyly munaıǵa álemdik suranys táýligine 96,3 mln. barrelge deıin saqtalmaq. Bul 2015 jylǵydan 2016 jyly  1,4 mıllıon barrelge joǵary deńgeıde saqtalatyny boljanǵan.