Brent markaly munaıdyń baǵasynyń barreli 30 dollar mejeden tómen tústi
ASTANA. QazAqparat - Sársenbi kúni AQSh Energetıka mınıstrliginiń shıkizat qorynyń ósýi jónindegi málimetterine oraı munaıdyń álemdik baǵasynyń tómendeýi shapshańdady: saýda-sattyq málimetterine qaraǵanda Brent markaly munaı 2004 jylǵy aqpannan beri alǵash ret barreli 30 dollarlyq psıhologııalyq mejeden tómen túsip ketti, dep habarlady RIA Novostı.
Astana ýaqytymen saǵat 01.24-te soltústikteńizdik Brent markaly munaı qospasynyń naýryz aıyna fıýchersteriniń quny 3,04%-ǵa tómendep, barreli 30,01 dollarǵa deıin quldyrady; budan buryn ol alǵash ret 2004 jylǵy aqpanda barreli 30 dollar mejeden tómen túsip, 29,95 dollar bolǵan edi. WTI markaly munaıdyń aqpandaǵy fıýchersteriniń baǵasy 0,66%-ǵa arzandap, barreli 30,24 dollar boldy.
