Brent markaly munaı barreliniń baǵasy 61 dollarǵa deıin tústi

NUR-SULTAN. QazAqparat – Brent markaly munaıdyń baǵasy 5 paıyzǵa arzandady, dep habarlaıdy QazAqparat.

WTI munaıy fıýchersiniń baǵasy 5,06%, -ǵa tómendedi. Londondaǵy ICE bırjasynda 2021 jyldyń maýsym aıynda jetkiziletin Brent markaly munaı fıýchersiniń quny barreline 61,58 dollarǵa deıin tústi.

Brent sortynyń baǵasy 5,16%-ǵa tómendep, saýda-sattyq aıaqtalar tusta barreli 61,51 dollarǵa baǵalandy.

Qazirgi ýaqytta WTI munaı fıýchersiniń quny 5,73% - ǵa arzandap, barreli 57,93 dollar shamasynda tur.

Eske sala ketsek, Qazaqstan OPEK+ kelisimi aıasynda munaı óndirýdi ulǵaıtpaq. OPEK+ sheńberindegi Qazaqstan úshin mindettemeler mamyrda táýligine 1,463 mln barrel, maýsymda táýligine 1,469 mln barrel jáne shildede táýligine 1,475 mln barrel dep belgilengen.