Brent markaly munaı barreliniń baǵasy $50,03 deıin ósti

ASTANA. QazAqparat - Máskeý ýaqytymen saǵat 6:54 jaǵdaı boıynsha Interkontınentaldy bırja saýdasynda Brent markaly munaı baǵasy 0,620% ósip - bir barrel úshin $50,03 deıin jetti. WTI markaly munaı baǵasy 0,325% kóterilip - bir barrel úshin $49,17 jetti, dep habarlady «Kommersant».

Eske sala keteıik, beısenbi kúni Venadaǵy sammıtte OPEK músheleri óndiriske jańa shekteý qoıýǵa kelise almady.  OPEK bir sheshimge kelý úshin  ýaqyt kerek, dedi uıymnyń bas hatshysynyń mindetin atqarýshy Abdalla al-Badrı, Irandaǵy munaı óndirisiniń ulǵaıýyna jáne Lıvııa men Nıgerııadan jetkiziletin munaı kóleminiń turaqsyzdyǵyna silteme jasap.

Otyrysta uıymnyń jańa bas hatshysy bekitildi. Bul qyzmetti Nıgerııa ókili, memlekettik munaı korporatsııasynyń burynǵy basshysy Mýhammed Barkındo atqaratyn boldy.