Brent markaly munaı baǵasy mamyrdan beri alǵash ret $66 tómendedi

LONDON. QazAqparat – Beısenbi kúni saýda-sattyqta bir barrel munaı baǵasy $66 arzandap, mamyrdan beri alǵash ret eń tómengi deńgeıge tústi, dep habarlaıdy QazAqparat Reuters-ke silteme jasap.

Brent markaly munaı baǵasy 1,87 dollarǵa (2,7%) arzandap, 66,36 dollar boldy. Bul mamyrdan beri tirkelgen eń tómengi kórsetkish. Sondaı-aq, WTI markaly munaı quny 1,96 dollarǵa (3%) tómendep, $63,50 dollar boldy. Eki munaıdyń baǵasy da alty kúnniń ishinde tómendedi.

Halyqaralyq energetıkalyq agenttik óz boljamynda munaıǵa degen suranysty Delta shtamynyń taralýymen baılanystyryp otyr. Alaıda, OPEK boljamy ózgerissiz qaldy.