Brent markaly munaı baǵasy 63,55 dollarǵa deıin kóterildi

ASTANA. QazAqparat - London shıkizat bırjasyndaǵy beısenbi kúngi saýda-sattyqta munaı baǵasy kóterildi, dep habarlaıdy «QazAqparat».

Londonnyń ICE Futures bırjasynda qańtar aıynda jetkiziletin Brent markaly munaı fıýchersteri 0,23 dollarǵa deıin qymbattap, bir barrel munaıdyń baǵasy 63,55 dollarǵa jetti.

Nıý-Iork taýar bırjasynda (NYMEX) 23 qarasha, beısenbi kúni AQSh-ta jyl saıyn qarashanyń tórtinshi beısenbisinde ótetin memlekettik mereke - Alǵys aıtý kúniniń toılanýyna oraı saýda-sattyq júrgizilmedi.