Brent markaly munaı baǵasy 2009 jyldyń shildesinen beri alǵash ret 63 dollardan tómendedi

Taldaýshylar munaı baǵalarynyń quldılaýy rýbl baǵamynyń tómendeýine ákelgen basty sebepterdiń biri dep ataýda. Bul týraly RBK habarlaıdy.

ICE Futures bırjasyndaǵy búgingi saýda barysynda Brent fıýchersteriniń 2015 jyldyń qańtaryndaǵy jetkizilimine baǵasy bir barrel úshin 62,93 dollardy quraǵan, bul keshegi saýdanyń jabylý deńgeıinen shamamen 1 paıyzǵa tómen jáne 2009 jyldyń 17 shildesinen beri eń tómengi kórsetkish bolyp tabylady. Jergilikti ýaqyt boıynsha saǵat 11:40-ta Brent-tiń qańtardaǵy fıýchersiniń baǵasy bir barrel úshin 63,21 dollardy quraǵan, bul munyń aldyndaǵy saýdanyń jabylý deńgeıinen 0,74 paıyzǵa tómen. WTI markaly munaı qańtardaǵy fıýchersteriniń quny búgin bir barrel úshin 58,86 dollardy qurady.

Juma kúni OPEK munaı sebetiniń baǵasy taǵy 1,4 paıyzǵa qulap, bes jyldan astam ýaqyttyń ishinde alǵash ret barreli 60 dollarǵa qulady. Búgin munaıdy eksporttaýshy elderdiń halyqaralyq karteliniń hatshylyǵynan habarlanǵandaı, 2014 jylǵy 11 jeltoqsandaǵy esep berý kúninde OPEK munaı sebetiniń baǵasy 0,85, dollarǵa arzandady, al onyń baǵasy resmı túrde bir barrel úshin 60,50 dollardy qurady. Bul onyń 2009 jylǵy 13 shildeden beri eń tómen kórsetkishi.