Brent markaly munaı 53 dollarǵa deıin arzandady

ASTANA. QazAqparat - Londonda ICE bırjasynyń saýda-sattyǵynda Brent munaıynyń barreli 2016 jyldyń jeltoqsan aıynan beri alǵash ret 53 dollardan tómendedi. Muny saýda-sattyq derekteri rastady.

Saýda-sattyq barysynda Brent munaıyna mamyr aıynyń fıýcherster quny 5 paıyzǵa deıin tómendep, barreline $52,77 qurady. Búgin tańerteń Brent munaıy 53,19 dollarǵa baǵalandy, dep habarlady reseılik Lenta.ru.

WTI markaly munaı baǵasy da 5%-ǵa deıin arzandap, ótken jyldyń jeltoqsan aıyndaǵy eń tómengi kórsetkishterdi jańartty. WTI barreli $50,33 dollarǵa saýdalandy.

AQSh-tyń energetıka mınıstrligi eldegi munaı qory týraly derekterdi jarııa etken soń, munaı baǵasy kúrt quldyrady. 24 aqpannan 3 naýryzǵa deıingi aralyqta munaı qory 8,22 mıllıon barrelge, 528,4 mıllıon barrelge ulǵaıǵan. Al sarapshylar munaı qoryn nebary 1,97 mıllıon barrelge kóbeıedi dep kútken edi.