Brent markaly munaı baǵasy 24 maýsymnan beri alǵash ret barreline 76 dollardan asty
ASTANA. KAZINFORM — Londondaǵy ICE bırjasynda qyrkúıek aıynda jetkiziletin Brent markaly munaı fıýchersiniń baǵasy 24 maýsymnan beri alǵash ret barreline 76 dollardan asty, dep habarlaıdy TASS.
Saýda derekterine sáıkes, Máskeý ýaqytymen saǵat 22:15-tegi (Qazaqstan ýaqytymen 8 shilde saǵat 00:15) jaǵdaı boıynsha Brent munaıynyń quny 5,65 paıyzǵa ósip, barreline 76,06 dollar boldy.
Al tórt mınýttan keıin ósim jalǵasyp, munaı baǵasy 76,36 dollarǵa jetti. Bul aldyńǵy kórsetkishten 6,07 paıyzǵa joǵary.
Sonymen qatar tamyz aıynda jetkiziletin WTI markaly munaı fıýchersiniń baǵasy 5,78 paıyzǵa ósip, barreline 72,51 dollar boldy.
Eske salaıyq, buǵan deıin Saýd Arabııasy Azııa elderi úshin munaı baǵasyn sońǵy 25 jyldaǵy eń tómen deńgeıge túsirgenin jarııalaǵan bolatyn.
Aıta ketelik Qazaqstan OPEK+ elderimen birge tamyzda munaı óndirý kólemin arttyrmaq.
