Brent baǵasy 2020 jyldyń 7 qańtarynan bastap alǵash ret barreline 61 dollarǵa jetti

MÁSKEÝ. TASS – QazAqparat – Brent munaıynyń baǵasy 2020 jyldyń 7 qańtarynan bastap alǵash ret ICE London bırjasyndaǵy saýda-sattyqta barreline $61,02-ǵa jetti, dep habarlaıdy «QazAqparat» HAA reseılik TASS agenttigine silteme jasap.

Londondaǵy ICE bırjasynda Brent markaly munaıdyń sáýir aıyndaǵy fıýchersteriniń baǵasy 0,76% - ǵa ósti jáne barreline 61,02 dollarǵa jetti, delingen Máskeý ýaqytymen 05:14-tegi saýda alańynyń málimetterinde.

Sońǵy ret Brent baǵasy 2020 jyldyń 7 qańtarynda barreline 61 dollardan asty.