Brendon Kýk: Qanatpen aıqasty asyǵa kútip júrmin
ASTANA.QazAqparat - Qazaqstandyq kásipqoı boksshy Qanat Islamnyń (24-0,19KO) kezekti qarsylasy kanadalyq Brendon Kýk (18-0, 11KO) astanaǵa keldi, dep habarlaıdy QazAqparat tilshisi.
«Qyrkúıektiń 9 kúni Qazaqstannyń Saryarqa velotreginde boks keshi ótedi. Bul úlken jekpe-jektiń kelip jetýin asyǵa kútip júrmin. Meniń komandama óte keremet tájırbe bolady. Biz osyndamyz jáne biz daıynbyz» -, dep jazdy kanadalyq boksshy óziniń Instagram-daǵy paraqshasynda.
Eske sala keteıik, Islam - Kýk jekpe-jegi 9 qyrkúıek kúni Astanadaǵy «Saryarqa» velotreginde ótedi. Otandasymyz birinshi orta salmaqtaǵy WBO NABO jáne WBA Inter-Continental beldikterin qoǵaıdy. Sondaı-aq osy jekpe-jektiń anderkartynda qazaqstandyq 8 boksshy sharshy alańǵa shyǵady.
Sondaı-aq, ǵalamtorda Qanat Islam - Brendon Kýk aıqasynyń jańa promo-rolıgi shyqty.
