Brendon Kýk Astanadaǵy jattyǵýynan beıne jazba jarııalady
ASTANA.QazAqparat - Qazaqstandyq kásipqoı boksshy Qanat Islamnyń (24-0,19KO) kezekti qarsylasy, kanadalyq Brendon Kýk (18-0, 11KO) YouTube kanalynda óz jankúıerleri úshin Qazaqstanda túsirilgen alǵashqy beınejazbasyn jarııalady, dep habarlaıdy QazAqparat tilshisi.
Vıdeodan Kýk 30 tamyz kúni kanadanyń Eıdjaks qalasynan Astanaǵa qaraı jolǵa shyǵyp, 10 saǵattyq sapardan keıin túngi saǵat 3-te Astana qalasynyń «Alaý muz aıdyny» qonaq úıine kelip jaıǵasqanyn kórýge bolady.
Kanadalyqtyń aıtýynsha, ýaqyt aıyrmashylyǵyna baılanysty olar Astanaǵa jetkennen keıin uıyqtaı almaǵan. Sondyqtan, «Astana arena» stadıonynyń aldyndaǵy alańda bir jarym saǵat boıy jattyǵý jasaǵan.
Kýk Astanada sýdyń tuzdy ekenin, sondaı-aq, olar Kanadadan 40 Fýnt (19 kg) taýyq etin jáne sý alyp kelgenin aıtty.
Sońynda boksshy óziniń jeńisine senimdi ekenin, áıtse de azdap qobaljý bar ekenin de jasyrmady.
Eske sala keteıik, 9 qyrkúıek kúni EKSPO-2017 aıasynda «Saryarqa» velotreginiń alańynda boks keshi ótedi. Jeńilip kórmegen qazaqstandyq Qanat Islam men kanadalyq Brendon Kýktyń aıqasy - basty oqıǵa bolady. Sondaı-aq osy jekpe-jektiń anderkartynda qazaqstandyq 8 boksshy sharshy alańǵa shyǵady.
