Brendon Bochenskı KHL-da «Barystyń» eń tez soǵylǵan shaıbasynyń ıesi boldy
ASTANA. 17 qyrkúıek. QazAqparat - Amerıkalyq shabýylshy Brendon Bochenskı astanalyq «Barystyń» Kontınentaldy hokkeı lıgasynyń (KHL) jarysyndaǵy eń tez soǵylǵan shaıbasynyń ıesi boldy, dep habarlady Vesti.kz.
Bul ombylyq "Avangard" klýbyna qarsy oıynda boldy. Amerıkalyq hokkeıshi kezdesýdiń 22-shi sekýndynda esep ashty. Bul shaıba KHL eń tez soǵylǵan shaıbalardyń tiziminde ekinshi orynda ekendigin atap ketken jón. Bul tizimde birinshi orynda habarovskilik "Amýrdyń" oıynshysy Dmıtrıı Tarasov tur, ol 2012/2013 maýsymynda oıynnyń 21-shi sekýndynda gol salǵan.
Osyǵan deıin KHL «Barystyń» quramynda eń tez soǵylǵan shaıbanyń ıesi bolyp Andreı Gavrılınniń goly sanalyp kelgen bolatyn. Onyń 2010/2011 maýsymdaǵy kórsetkishi - 4 mınýt 22 sekýnd.
"Barys" pen "Avangard" arasyndaǵy oıyn Astanadaǵy "Qazaqstan" sport saraıynda ótip jatqandyǵyn esterińizge salamyz. Ony tikeleı efırde KazSport telearnasy kórsetýde.
Amerıkalyq shabýylshy kezdesýdiń 22-shi sekýndynda esep ashty.
