Brendon Bochenskı «Barys» komandasynyń úzdik shabýylshysy bolyp tanyldy
ASTANA. 23 jeltoqsan. QazAqparat - «Barys» hokkeı klýbynyń (hcbarys.kz) resmı saıtynda daýys berý barysynda jeltoqsannyń birinshi onkúndiginde atalǵan komandanyń úzdik shabýylshysy bolyp Brendon Bochenskı tanyldy.
Atap aıtqanda, saıtqa kirgenderdiń 53 paıyzy ony úzdik dep belgilegen, al 23 paıyzy Kevın Dallmen, Romana Starchenko men Dastın Boıda árqaısysy 8 paıyzdan, Kamıl Kreps 6 paıyz, Naıdjel Doýs 2 paıyz deńgeıinde daýys aldy. Jalpy saýalnamaǵa 750 adam qatysty.
Aıta keteıik, «Barys» komandasynyń úzdik shabýylshysy Brendon Bochenskı Qurlyqtyq hokkeı lıgasynda alǵashqy ondyqtyń qataryndaǵy mergender qataryna kirip otyr, sondaı-aq ol QHL hokkeıshileri ishinde úzdik mergenderdiń úshtiginde tur. B. Bochenskı 28 oıynda 15 shaıba saldy jáne 18 nátıjeli oıyn kórsetip, 33 upaı jınady.
