Brekeshev Ózbekstannyń Qazaqstanǵa jaqyn jerde AES salý josparyna túsinik berdi

ASTANA. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev Ózbekstannyń Qazaqstan shekarysyna jaqyn jerde AES salý josparyna qatysty túsinik berdi, dep habarlaıdy QazAqparat tilshisi.

Vedomstvo basshysynyń aıtýynsha, atalǵan máselege qatysty tıisti memlekettik organdar qamtylǵan jumys toby bar. Osy oraıda kórshiles elmen bul baǵytta tıisti talqylaýlar júrip jatyr.

«Jyl sońyna deıin taǵy bir kezdesý ótedi. Bul másele mańyzdy ekeni túsinikti. Sondyqtan atalǵan nysannyń qurylysyn júrgizý nemese júrgizbeýge qatysty sheshim Qazaqstannyń pikirin nazarǵa ala otyryp qabyldanady», - dedi S. Brekeshev Májilistegi Úkimet saǵatynan keıin tilshiler saýalyna jaýap bere otyryp.

Sonymen qatar ol atalǵan AES-ti salý týraly sheshim áli de qabyldanbaǵanyn, bul turǵyda Qazaqstan jaǵy óziniń ustanymynda nyq turatynyn aıtty.

«Osy oraıda qaýipsizdiktiń ekologııalyq, sanıtarlyq-epıdemıologııalyq talaptary basty nazarda bolady», - dedi mınıstr.

Buǵan deıin AES shekaraǵa jaqyn ornalasqan Tuzqan kóliniń janynan salynatyny habarlanǵan edi.

Foto: storage.googleapis.com