Bred Pıttiń balalaryna qatygezdik kórsetýi týraly is FBR-dyń nazaryna ilikti
ASTANA. QazAqparat - Bred Pıttiń óz balalaryna qatygezdik kórsetýine qatysty is AQSh Federaldyq tergeý bıýrosynyń (FBR) nazaryna ilikti.
Bul týraly «RIA Novostı» Assoshıeıted Press agenttigine silteme jasap habarlady.
FBR ókili Lora Emıller habarlaǵandaı, vedomstvo akterdiń balalarǵa qatygezdik kórsetýine qatysty BAQ-ta jarııalanǵan aqparattar boıynsha derbes tergeý jumystaryn bastaý múmkindigin qarastyryp otyr. Pıtqa balalary jáne jary Andjelına Djolımen birge ushaqpen ushý kezinde ashýǵa erik berdi, aýyzsha jáne fızıkalyq turǵyda dórekilik kórsetti degen aıyp taǵylyp otyr.
Osyǵan deıin TMZ aqparattyq portaly Pıtqa qatysty tergeýdi Los-Andjeles polıtsııasy bastaǵanyn habarlady.
Eske sala keteıik, aptanyń ortasynda Djolı ajyrasý úshin qujattaryn tapsyrǵan. Óz sheshimin ol «erli-zaıyptylar arasyndaǵy kelispeýshiliktermen» túsindirdi. Sondaı-aq, aktrısa sottan alty balasyn óziniń qamqorynda qaldyrýdy surady. Bul rette, Pıtqa balalaryn kórip turýǵa ruqsat beriledi, zań turǵysynda ol balalaryna qamqorlyq quqyǵyn saqtap qalady.
