Bred Pıtt pen Andjelına Djolıdiń birinshi sharaby birneshe saǵatta satyldy
ASTANA. 9 naýryz. QazAqparat - Bred Pıtt pen Andjelına Djolı qalyń buqaranyń nazaryna ózderiniń sharap ósirýdegi eńbeginiń alǵashqy jemisterin usyndy. 2008 jyldan beri Gollıvýd jubynyń ıeligindegi Provansta Shato Mıraval domeniniń alqyzyl sharabynyń partııasy birneshe saǵatta satyldy.
«Anar, órik jáne tańqýraı dámderi bar baı gamma balǵyndyq sezimin qaldyrady», - dep atap ótedi sharap boıynsha tanymal maman Mark Perren. Ony Pıtt pen Djolı ózderiniń júzimdikterin kútý úshin jaldady.
«Mıraval» sharabynyń bastapqy baǵasy onsha joǵary bolmady: bir jáshigi (alty bótelke) 105 eýro turady. Ázirshe juldyzdardyń esimderi sharaptyń ataýynda joq, biraq artqy etıketkasynda ony qurýshylardyń esimderi jazyldy - Jolie-Pitt & Perrin. Biraq, qaıta satý kezinde sharaptyń baǵasy kóteriletin sekildi. Birneshe myń bótelkeden turatyn birinshi partııa beısenbi kúngi satylymda birneshe saǵatta ótip ketti.
