Bred Pıtt pen Andjelına Djolı Frantsııada neke toılaryn atap ótti
ASTANA. QazAqparat - AQSh akterlary Bred Pıtt pen Anjelına Djolı úılendi, dep habarlady Associated Press agenttigi.
Nekelesý týraly Associated Press aqparat agenttigine Gollıvýd juldyzdarynyń ortaq tanysy habarlaǵan. Onyń aıtýynsha, úılený toıy Frantsııanyń ońtústiginde 23 tamyz, senbi kúni ótken. Saltanatty sharaǵa tek týystar men eń jaqyn dostar ǵana qatysqan. Djolı men Pıtt «Mıster jáne mıssıs Smıt» fılmine túskennen bastap birge ómir súrip keledi. Olardyń ortaq nekeden úsh jáne asyrap alǵan úsh balasy bar. Ataqty jup 2012 jyly nekelesken, olardyń neke toılaryn jasyryn atap ótkeni týraly BAQ-ta buǵan deıin birneshe ret jalǵan aqparat shyqqan bolatyn.
