Bred Pıtt ishimdik pen esirtkige synama tapsyrdy
ASTANA. QazAqparat - Amerıkalyq akter Bred Pıtt 15 jastaǵy uly Meddokske qoqan-loqqy kórsetken oqıǵaǵa baılanysty óz erkimen ishimdik jáne esirtki boıynsha synama tapsyrdy. Bul týraly reseılik TASS agenttigi TMZ aqparattyq portalǵa silteme jasap habarlady.
Oqıǵa osydan birneshe apta buryn jeke ushaq reısinde oryn alyp, qoǵam talqysyna tústi. Muny ekıpaj músheleriniń biri baıqap, ony Los-Andjeles polıtsııa basqarmasyna habarlaǵan. TMZ aqparat kózderiniń málimetinshe, Meddoks Pıttiń ashýyna tıetin sózder aıtqan. Akter ulyna qaraı umtylyp, kelinshegi Andjelına Djolı aralaryna túsip úlgergenine qaramastan, ulynyń ıyǵynan túıip úlgergen.
Balalar men januıany qorǵaý boıynsha okrýgtik bólim qyzmetkerleri jetkinshekti tekserip, onyń denesinen soqqy izderin baıqamady. Buryn habarlanǵandaı, Djolı óziniń alty balasy úshin qaýiptenip, ajyrasýǵa aryz bergen.
Eki tanymal ártis 10 jyl birge turyp, 2014 jyldyń 23 tamyzynda nekesin qıdy. 52 jastaǵy Pıtt pen 41 jastaǵy Djolıdiń alty balasy bar. Olardyń úsheýin asyrap alǵan.
