Bred Pıtt Bollıvýdta kınoǵa túskisi keledi
ASTANA. 21 qyrkúıek. QazAqparat - Bred Pıtt bollıvýdtyq kınostýdııalarmen áriptestik qarym-qatynas jasaýǵa qyzyǵýshylyq tanytty, deıdi The Hollywood Reporter.
Akter bir suhbatynda úndi kınematografııasynyń qanqyndy damyp kele jatqandyǵy týraly kóp estigenin aıtqan. Sonymen qatar, ol ózine Bollıvýd fılmderindegi «dramatızm men kolorıt» unaıtynyn jasyrmaǵan. Ol úndi fılmine túsip, tipti bıleýge de ketári emes kórinedi. Degenmen, ol dál qandaı jobalarǵa qatysqysy keletini týraly naqty aqparat bermegen.
Bred Pıtt buryn Úndistanda bolǵan. 2007 jyly ol basty rólde Andjelına Djolı oınaǵan Maıkl Ýınterbottomnyń «Onyń júregi» (A Mighty Heart) atty fılmine prodıýsserlik jasaǵan. Sol fılmniń keıbir epızodtary Úndistanda túsirilgen bolatyn.
Bollıvýdta jumys isteýge qyzyǵyp júrgenin budan buryn Hıý Djekman da aıtqan bolatyn.
