Birde-bir muqtaj qazaqstandyq qoldaýsyz qalmaıdy — Eńbek mınıstri
ASTANA. KAZINFORM — Elordada Eńbek jáne halyqty áleýmettik qorǵaý mınıstri Asqarbek Ertaev áleýmettik qorǵaý salasynda qoldanylatyn ataýlylyq prıntsıpterin tanystyryp jatyr.
Mınıstr basty prıntsıp boıynsha memlekettik qoldaý eń aldymen, óz erkimen qajettiligin qamtamasyz ete almaıtyn adamdarǵa kórsetilýi keregin aıtty.
— Birde-bir muqtaj qazaqstandyq qoldaýsyz qalmaıdy. Bul — áleýmettik qoldaýdyń basty qaǵıdaty. Qazaqstan — áleýmettik memleket bolyp sanalady. Biz járdemaqyny formaldy taǵaıyndaýdan otbasynyń naqty muqtajdyq deńgeıin baǵalaýǵa kóship jatyrmyz. Munda otbasynyń múliktik jáne áleýmettik jaǵdaıy baǵalanady, — dedi A. Ertaev Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, 30 qyrkúıekte bekitilgen Áleýmettik ál-aýqat deńgeıin aıqyndaýdyń jańa ádistemesi bekitildi. Onyń aldyndaǵy 2023 jylǵy ádisteme 1 qańtarda kúshin joıady.
Eske sala ketsek, Qazaqstanda 2027 jylǵy 1 qańtardan bastap ataýly áleýmettik qoldaýdyń jańa júıesi tolyq kólemde iske qosylady.
Buǵan deıin Quryltaı depýtaty Lázzat Qojahmet jumys isteıtin áıelderdiń dekrettik tólemi saqtalatynyn aıtqan edi.
