Birde-bir din soǵysty nasıhattamaıdy – Sergeı Ponomarev

ASTANA. KAZINFORM – Birde-bir din soǵysty nasıhattamaıdy. Mundaı pikirdi elordada ótip jatqan Álemdik jáne dástúrli dinder kóshbasshylary VIII Cezi aıasynda Májilis depýtaty Sergeı Ponomarev bildirdi.

- Memleket basshysynyń qazirgi álemniń sońǵy ondaǵan jylda buryn-sońdy bolmaǵan ıadrolyq apatqa jaqyn ekeni, Armageddon sheginde turǵanymyz týraly sózderi erekshe tolǵandyrdy ári tereń áser qaldyrdy. Bul máseleni birige otyryp, búkil álemdik din konfessııalary kóshbasshylarymen bir ústelde bas qosý arqyly ǵana sheshýge bolatyny anyq. Sebebi olar óz memleketteriniń basshylaryna, óz halqyna, dinine ún qatady. Birde-bir din soǵysty nasıhattamaıdy, eshbiri «bar, óltir» dep aıtpaıdy. Olardyń barlyǵy da beıbitshilikti qoldaıdy, - dedi depýtat.

Májilismen búgingi alqaly jıyn óte joǵary deńgeıde uıymdastyrylyp, oǵan dúnıejúzinen 100-degen delegatsııa kelgenin aıtady.

- Patrıarh Kırılldiń qatysýy, BUU Bas hatshysy Antonıý Gýterrıshtiń, Rım Papasynyń quttyqtaý joldaýy, din kóshbasshylarynyń qatysýy bul sezdiń mańyzdylyǵyn kórsetedi. Menińshe, mundaı biregeı is-shara kezinde olar bir-birimen jaqyndasa túsedi. Astanada ótip jatqan bul jıyn teńdessiz oqıǵa, - dedi Sergeı Ponomarev.

Astanada Álemdik dinder kóshbasshylarynyń sezi ótip jatyr.

Іs-shara barysynda Qasym-Jomart Toqaev ıadrolyq qaqtyǵys qaýpi qatty alańdatatyndyǵyn aıtty.