Brazılııanyń jańa prezıdenti sybaılas jemqorlyqqa jol berdi dep aıyptaldy
ASTANA. QazAqparat - Brazılııa prezıdenti Mıshel Temerdi mınıstrler kabınetine qysym jasaǵany jáne sybaılas jemqorlyqqa qatystylyǵy úshin aıyptady. Burynǵy mádenıet mınıstri Marselo Kalero Temer odan basqa mınıstrge bıznes-mámilege kómektesýin ótingenin naqtylady, dep habarlady Bı-Bı-Sı.
Kaleronyń aıtýynsha, odan prezıdent keńsesiniń úkimet isteri hatshysy Jeddel Vıeırge tıesili Salvador aýdanyndaǵy ýchaskede elıtalyq turǵyn úı qurylysyn salýǵa ruqsat berýin talap etken. Ótken aptada otstavkaǵa ketken burynǵy mınıstr budan buryn qurylys jobasyn buǵattaǵan. Kalero polıtsııaǵa prezıdent pen mınıstr sheshimdi ózgertýin talap etip, qysym kórsetkenin aıtqan. Prezıdent Temer Kaleromen qurylys jaıly sóıleskenin moıyndasa da, aıyptardy teriske shyǵarylýda.
Budan buryn osy aptada etıka paneli osy aıyptaýlarǵa baılanysty Lımaǵa qatysty tergeý sharalaryn bastaý qajet dep sheshken. Ol kezde iske prezıdenttiń qatystylyǵy belgisiz edi. Temer prezıdent Dılma Rýsefke sozylyp ketken saıası daǵdarysqa qatysty ımpıchment jarııalaǵannan keıin bılikke osy jyly kelgen. Ol eldegi sybaılas jemqorlyqpen kúresýge ýáde bergen.
