Brazılııanyń soltústik-shyǵysynda jol apatynan 12 adam qaza tapty
RIO-DE-JANEIRO. Sınhýa – QazAqparat - Brazılııanyń soltústik-shyǵysyndaǵy Tokantıns shtatynda mobıldi medıtsınalyq fýrgon júk kóligimen soqtyǵysyp, kem degende 12 adam, onyń ishinde náreste qaıtys boldy, taǵy ekeýi aýyr jaraqat aldy.
Bul týraly beısenbi jergilikti BAQ áskerı polıtsııaǵa silteme jasap habarlaǵan.
Qytaılyq Sınhýa agenttiginiń málimetinshe, apat sársenbige qaraǵan túni Natıvıdadı mýnıtsıpalıtetiniń janynda bolǵan. Eki kólik betpe-bet soqtyǵysqan.
Qurban bolǵandardyń arasynda fýrgonda bolǵan jeti áıel, tórt er adam jáne bala bar. Taǵy eki jolaýshynyń birneshe jeri synǵan. Almas qalasynyń densaýlyq saqtaý hatshylyǵyna tıesili fýrgon Palmastan - Tokantıns shtatynyń ákimshilik ortalyǵynan qaıtyp kele jatqan.
Júk kóligindegi er adam men áıel jeńil jaraqat alyp, kóp uzamaı aýrýhanadan shyǵaryldy, delingen habarlamada.
Foto: © Luiz Souza/Global Look Press
