Brazılııanyń eks-prezıdenti 17 jylǵa bas bostandyǵynan aıyryldy
NUR-SULTAN. QazAqparat – Brazılııanyń burynǵy prezıdenti 17 jylǵa bas bostandyǵynan aıyryldy, dep habarlaıdy QazAqparat Globo telearnasyna silteme jasap.
Brazılııa tórtinshi okrýginiń federaldyq óńirlik soty sybaılas jemqorlyq jáne aqsha jymqyrý isi boıynsha sottalǵan eldiń burynǵy prezıdenti Lýıs Inasıý Lýla da Sılvanyń apellıatsııasyn keri qaıtaryp, onyń túrmege jabylý merzimin 17 jyl, bir aı on kúnge uzartty.
Tergeý nusqasy boıynsha Lýla da Sılva zańsyz jolmen tapqan aqshasyna San-Paýlý shtatyndaǵy Atıbaıa mýnıtsıpalıtetinen úı men jer alyp, jaqyndarynyń atyna jazǵyzǵan.
Lýla da Sılva 2003-2011 jyldar aralyǵynda Brazılııany basqardy. 2016 jyly ol Petrobras isi boıynsha aıyptalyp, 12 jylǵa bas bostandyǵynan aıyrylǵan. Biraq Lýla da Sılva apellıatsııa quqyǵyn paıdalanyp, 2018 jyldyń sáýirine deıin bostandyqta júrdi. Sılva ózine taǵylǵan aıyptaýdyń birde-biri moıyndaǵan joq. Keıin sot qamaýda ustaý merzimin segiz jyl on aıǵa qysqartyp, ony túrmege japty. 9 qarashada eks-prezıdent bostandyqqa shyǵyp, taǵy da saıasatpen aınalysatynyn málimdegen bolatyn.
