Brazılııanyń eki fýtbolshysy álem chempıonatynyń qalǵan oıyndaryna qatysa almaıdy

ORAL. QazAqparat – Qatarda fýtboldan ótip jatqan álem chempıonatynda Brazılııa quramasynyń fýtbolshylary Gabrıel Jezýs ı Aleks Telles qalǵan oıyndarǵa qatysa almaıdy, dep habarlaıdy QazAqparat tilshisi.

Globo Esporte málim etkendeı, medıtsınalyq tekserý nátıjesinde qos oıynshynyń oń tizesinen jaraqat alǵany anyqtalǵan.

Jezýstyń qalpyna kelýi úshin bir aıdaı ýaqyt kerek. Al Tellestiń jaraqaty aýyrlaý, ol ota jasatýy yqtımal.

Brazılııa men «Arsenal» klýbynyń (London) shabýylshysy, 25 jastaǵy Jezýs alǵashqy eki matchta oıynshyny almastyrdy.

Al Kamerýnmen ótken kezdesýdi birinshi mınýttan bastap, 64-mınýtta alańnan ketti.

Aǵylshyndyq «Manchester ıÝnaıted» klýbynyń qorǵaýshysy Telles osy básekede 55-mınýtta jaraqatyna baılanysty ornyn bosatqan kezde kóz jasyn jasyra almady.

Qazirgi tańda chempıonattyń basty favorıti sanalyp otyrǵan Brazılııa 1/8 fınalda 5 jeltoqsanda Ońtústik Koreıamen synǵa túsedi.

Bul matchqa osyǵan deıin jaraqat alǵan Brazılııanyń taǵy bir shabýylshysy Neımar qatysa almaýy múmkin.

Eske sala keteıik, budan buryn Portýgalııa men Ońtústik Koreıanyń pleı-off kezeńine shyqqanyn jazǵan bolatynbyz.

Sondaı-aq Kamerýnnan jeńilgen Brazılııa óz tobynda birinshi orynǵa ıe boldy.

Serbııany utqan Shveıtsarııa pleı-off kezeńine ótti.