Brazılııanyń burynǵy prezıdentine aıyp taǵyldy
ASTANA. QazAqparat - Brazılııa prokýratýrasy eldiń burynǵy prezıdenti Lýıs Inasıý Lýla da Sılvaǵa aıyp taqty.
Prokýrorlardyń aıtýynsha, Lýla men onyń áıeli Gýarýha shıpajaıyndaǵy penthaýsyn deklaratsııalamaǵan (jarııalamaǵan).
Prokýratýranyń pikirinshe, penthaýs resmı túrde OAS qurylys fırmasynyń baqylaýynda. Bul kompanııa Petrobras memlekettik kompanııasymen iri sybaılas jemqorlyq daýyna qatysy bolýy múmkin.
Petrobras isi boıynsha tergeý barysynda ondaǵan iri bıznesmen men Jumys partııasynyń qyzmetkerlerine qarsy qylmystyq is qozǵaldy.
Jumys partııasy 2003 jyldan Brazılııa bıliginde tur.
Bul is boıynsha kezekti tergeý amaldary aıasynda polıtsııa Rıo-de-Janeıro, San-Paýlý jáne Baııa shtattarynda 33 tintý júrgizip, 11 adamdy qamaýǵa aldy, dep jazady Bı-bı-sı.
