Brazılııanyń burynǵy prezıdenti Dılma Rýsef ózine jarııalanǵan ımpıchmentke qarsy shaǵym túsirdi
ASTANA. QazAqparat - Brazılııanyń burynǵy prezıdenti Dılma Rýsef Joǵarǵy sotqa sársenbi kúni senat qabyldaǵan ony Brazılııa prezıdenti qyzmetinen taıdyrý týraly sheshimge qarsy shaǵym túsirdi. Alaıda, sarapshylar Rýseftiń múmkindigi óte az dep sanaıdy. Bul týraly Bı-bı-sı jazady.
Rýseftiń qorǵaýshysy óz qamqorlyǵyndaǵy aıyptalýshynyń isin qaıtadan qaraýdy surady. Oǵan el bıýdjetine qatysty quıtyrqylyq jasady degen aıyp taǵylǵan bolatyn. Qorǵaýshy isti qaıta qaraý kezinde bir kún buryn resmı túrde memleket basshysy qyzmetine kirisken Mıshel Temerdi prezıdenttiń mindetin atqarýshy etip taǵaıyndaýdy surady.
Eske sala keteıik, sársenbi kúni keshke senat Dılma Rýsefti bıýdjet zańnamasyn buzdy, sonyń ishinde 2014 jyly saılaý naýqany kezinde bıýdjet tapshylyǵynyń naqty somasyn jasyrdy dep tanyp, ony taqtan taıdyrdy.
Rýsef oǵan taǵylǵan bar aıypty joqqa shyǵaryp otyr. Kerisinshe, ol onyń qarsylastary saıası alaıaqtyq jasap otyr dep sanaıdy.
