Brazılııanyń ataqty fýtbolshysy «Qaıratqa» keldi
NUR-SULTAN. QazAqparat – Ataqty brazılııalyq fýtbolshy Vgner Lav «Qaırat» fýtbol klýbyna aýysty. Bul týraly fýtbolshynyń ózi áleýmettik jelide aıtty, dep habarlaıdy QazAqparat.
35 jastaǵy Vagner Lav jaqynda brazılııalyq «Korıntıans» komandasymen kelisim-shartyn buzǵan edi. Almatynyń «Qaıratyna» kelgeni týraly «Instagram» paraqshasynda habarlady.
Ataqty shabýylshy sporttyq mansabynda «Palmeıras», TsSKA, «Flamengo», «Shandýn Lýnen», «Korıntıans», «Monako», «Alanıaspor» jáne «Beshıktash» syndy tanymal komandalarda oınaǵan. Brazılııa quramasy sapynda 20 match ótkizip, tórt gol soqty.2007 jyly ol Brazılııa quramasynyń Kopa Amerıkadaǵy ár matchynda oınady.
Fınalda ol qorǵaýshy Danı Alvestiń gol soǵýyna múmkindik jasady. Osylaısha, Brazılııa Lavtyń arqasynda jeńiske jetti.
