Brazılııanyń 6 mıllıonnan astam turǵyny jaryqsyz qaldy
ASTANA. QazAqparat - Keshe Brazılııanyń elektr júıesindegi apat eldiń 11 shtatyndaǵy alty mıllıon adamdy elektr jaryǵynsyz qaldyrdy. Bul týraly ria.ru habarlady.
Eldiń elektr jelileriniń ulttyq operatory habarlaǵandaı, apat qysqa tuıyqtalý saldarynan bolǵan. Aıta keteıik, Brazılııada bıyl fýtboldan álem chempıonaty ótedi. Keshegi apat kezinde osy dúbirli doda ótedi dep belgilengen San-Paýlý, Rıo-de-Janeıro, Mınas-Jeraıs, Parana, Rıý-Grandı-dý-Sýl jáne Matý-Grossý shtattary jaryqsyz qaldy. Jýyrda ǵana Brazılııanyń energetıka mınıstri álem chempıonaty kezinde elde elektr energııasyna qatysty eshqandaı alańdaýshylyq bolmaıdy degen bolatyn.
