Brazılııanyń Joǵarǵy soty elde Ilon Masktyń X jelisin buǵattaýdy qoldady

ASTANA. KAZINFORM – Brazılııa Joǵarǵy sotynyń alqasy ótken aptada Ilon Masktyń X áleýmettik jelisin (burynǵy Twitter) búkil el boıynsha tolyǵymen buǵattaý týraly sheshimin qoldady, dep habarlaıdy VVS. 

Alqanyń barlyq músheleri jelini buǵattaýdy maquldady, alaıda olardyń úsheýi X bıliktiń talaptaryn oryndasa, sheshim qaıta qaralýy múmkin ekenin aıtty.

X platformasy senbi kúni tańerteń búkil Brazılııada buǵattaldy. Osy kezde kompanııanyń úkimetpen ardaǵy daýda onyń múddesin qorǵaıtyn jańa advokatty taǵaıyndaý merzimi aıaqtaldy.

Jelini buǵattaý Joǵarǵy sot sýdıasy Alekshandrı dı Moraıs pen X ıesi Ilon Mask arasyndaǵy qaqtyǵystyń sharyqtaý shegi boldy. Olardyń daýy sáýir aıynda, sot platforma ákimshiligine jalǵan aqparat taratqan ondaǵan akkaýnttardy buǵattaýǵa buıyryq berilgen kezde bastaldy.

Áıtpese, kompanııanyń Brazılııadaǵy ókilin qamaýǵa alamyz dep qorqytty, dep málimdedi X jelisi.

Kompanııa eldegi keńsesin jaýyp, tsenzýra dep ataǵan nársege baǵynbaıtynyn málimdedi. Mask sýdıany tıran jáne dıktator dep atap, barlyq toqtatylǵan akkaýnttardy qaıta iske qosamyn dep qorqytty.

30 tamyzda Moraıs jelini buǵattaý týraly sheshim shyǵaryp, sodan keıin máseleni Joǵarǵy Sottyń bes adamnan turatyn alqasyna qaraýǵa jiberdi.

Osyǵan deıin SpaceX kompanııasynyń burynǵy qyzmetkerleri Ilon Maskty sotqa bergenin jazǵan edik.